Sió-peng-kî
Sió-peng-kî (小冰期; Eng: Little Ice Age) sī chi̍t toaⁿ ùi tiong-sè un-loán-kî liáu-āu khai-sí, choân-kiû khì-un chhut-hiān put-toàn kàng-kē ê hiān-siōng; tāi-iok tī 1550 nî kàu 1770 nî tiong-kan ê chit 220-goā tang. Sió-peng-kî só͘ chhoā lâi ê éng-hióng, tû-liáu un-tō͘ kàng-kē í-goā, iáu-koh tì-sú si̍t-bu̍t seng-tióng kùi-chiat sok-té, thô͘-jióng kàng-un, chhut-hiàn niû-si̍t chok-bu̍t sán-liōng piàn-chió, bí-chhek kè-siàu tiòng-koân, chō-sêng choân-kiû chi̍t-sì-kè chia̍p-chia̍p chhut-hiàn ki-hân kap che-un. In-ūi sí-bông-lu̍t tiòng-koân, só͘-í thong-sè-kài ê jîn-kháu sêng-tióng-lu̍t tī chit toāⁿ sî-kan kiám-bān.
