Sin-tiàm-khe
Tâi-oân ê khoe-liû
(Tùi Sin-tiàm-khoe choán--lâi)
Sin-tiàm-khe (新店溪) sī Tâi-oân pak-pō͘ ê chi̍t tiâu hô-chhoan, iā sī Tām-chúi-hô ê saⁿ toā chi-liû chi-it. Sin-tiàm-khe ê tn̂g-tō͘ lóng-chóng 81 kong-lí, liû-he̍k biān-chek 921 pêng-hong kong-lí. Sin-tiàm-khe ê khe-thâu sī Pak-sì-khe, hiòng sai lâu chì Sin-pak-chhī ê Sin-tiàm-khu chham Lâm-sì-khe kap-lâu, chiâⁿ-chò Sin-tiàm-khe. Kap-lâu liáu-āu, hiòng pak lâu-ji̍p Kéng-bé-khe liáu-āu, chiâⁿ-chò Tâi-pak-chhī kap Sin-pak-chhī ê thian-jiân kau-kài. Jiân-āu Kéng-bé-khe chiah koh tī Káng-á-chhùi chham Tāi-hàn-khe kap-lâu, chiâⁿ-chò Tām-chúi-hô.
