So͘-hoa Kong-lō͘ Kái-siān Kè-ōe
So͘-hoa Kong-lō͘ Kái-siān Kè-ōe (蘇花公路改善計畫)，chèng-sek miâ-chheng sī Tâi-9-sòaⁿ So͘-hoa Kong-lō͘ Soaⁿ-khu Lō͘-tōaⁿ Kái-siān Kè-ōe (臺9線蘇花公路山區路段改善計畫), kán-chheng So͘-hoa-kái (蘇花改). Si̍t-si lō͘-tōaⁿ sī Tâi-9-sòaⁿ So͘-ò kàu Tōa-chheng-chúi. 2011 nî 1 goe̍h 29 tāng-kang, So͘-ò – Tang-ò lō͘-tōaⁿ tī 2018 nî 2 goe̍h chhe-5 thong-chhia,[1] Lâm-ò – Hô-pêng lō͘-tōaⁿ kap Hô-tiong – Tōa-chheng-chúi lō͘-tōaⁿ tī 2020 nî 1 goe̍h chhe-6 thong-chhia[2], Chóng kiàn-siat keng-hùi sin-tâi-phiò 551.73 ek kho͘.[3]
Kè-ōe lō͘-tōaⁿ siu-kái
Kè-ōe beh kái-siān ê lō͘-tōaⁿ hun-chò saⁿ tōaⁿ.
- So͘-ò – Tang-ò (蘇澳－東澳): tō-lō͘ sòaⁿ-hêng bái, kāu chhia-hō.
- Lâm-ò – Hô-pêng (南澳－和平): tiāⁿ-tiāⁿ la̍k chio̍h-thâu, pang-soaⁿ.
- Hô-tiong – Tōa-chheng-chúi (和中－大清水): lō͘-ki siuⁿ e̍h, jî-chhiáⁿ tiāⁿ-tiāⁿ la̍k chio̍h-thâu, pang-soaⁿ.
Kái-siān tn̂g-tō͘ 38.8 km, pau-hâm pōng-khang (24.5 km)[4], ko-kè-kiô (8.5 km), tē-bīn tō-lō͘ (5.8 km), koh siat-li̍p 1 ê kau-thong khòng-chè tiong-sim (Lâm-ò Kau-thong Khòng-chè Tiong-sim).
Î-chhî hiān-iú lō͘-tōaⁿ:
- Tang-ò – Lâm-ò (東澳－南澳): kio̍k-pō͘ lō͘-tōaⁿ í-keng chhâi-oan-lia̍h-ti̍t, pēng chhî-sio̍k pān-lí hiān-iú lō͘-tōaⁿ kái-siān.
- Hô-pêng – Hô-tiong (和平－和中): pún lō͘-tōaⁿ pêⁿ-pêⁿ sūn-sūn, koh ū kái chē té pōng-khong.
- Tōa-chheng-chúi – Chông-tek (大清水－崇德): taⁿ la̍p-ji̍p khó-hêng-sèng pêⁿ-kò͘ phêng-kó͘.
Chham-khó Bûn-hiàn siu-kái
- ↑ Central News Agency. First section of improved Suhua Highway opens amid protest. Taiwan News. 2018/02/06 [2022/03/11] (English).
- ↑ Lí Tiong-it. 期盼5年 蘇花改蘇澳至東澳段通車了. Tiong-kok Sî-pò. 2018-02-05 [2022-03-11]. (Hôa-gí).
- ↑ Lí Kong-pin. 林佳龍視察蘇花改工程 期許明年1月如期通車. Phōng-kó Ji̍t-pò. 2019-02-28 [2022-03-11] (Hôa-gí).
- ↑ Ngô͘ Siōng-goân. 長度僅次雪山隧道！「蘇花改」觀音隧道成功貫通. The News Lens. 2015-08-04 [2022-03-11]. (Hôa-gí).