Tâi-hái Sú-cha Lio̍k

Tâi-hái Sú-châ Lio̍k (臺海使槎錄), kán-chheng Sú-tâi-lio̍k (使臺錄), sī Chheng-kok Sûn-tâi Gū-sú N̂g Chek-kèng siá ê chheh. Ùi 1722 nî 6 goe̍h khai-sí siá, Pak-kiaⁿ N̂g Chek-kèng kàu Tâi-oân liáu-āu tiāⁿ-tiāⁿ sûn-kiâⁿ kok-tē, khó-chhat kong-siú hiám-ek, hái-tō hong-sìn. Kui pún chheh 8 koàn pun 3 ê pō͘-hūn: Chhiah-khàm Pit-tâm (赤嵌筆談), Hoan-sio̍k Lio̍k-khó (番俗六考), kap Hoan-sio̍k Cha̍p-kì (番俗雜記). Kî-tiong Hoan-sio̍k Lio̍k-khó siông-sè kì-lio̍k Tâi-oân san-chhoan tē-lí kap hong-thó͘ bîn-sio̍k. Iû-kî tùi Tâi-oân goân-chū-bîn ê iūⁿ-māu, koh-khah koan-chhat siông-sè, só͘-í chit pún chheh sī kīn-tāi khó-chèng Pêⁿ-po͘-hoan le̍k-sú ê kin-ki.