Tâi-lâm Iâm-tiûⁿ
Tâi-lâm Iâm-tiûⁿ (臺南鹽場) sī Tâi-oân tī jī-chhù tāi-chiàn liáu-āu iû Tâi-oân Chè-iâm Chóng-chhiúⁿ siat-li̍p ê 6 tōa iâm-tiûⁿ chi it, tī Tâi-lâm-chhī An-lâm-khu kap Lâm-khu lāi, pau-hâm Boán-chheng sî-tāi khui-siat ê Iâm-tiâⁿ Iâm-tiâⁿ (鹽埕鹽田) kap Ji̍t-pún sî-tāi ê Oan-lí Iâm-tiâⁿ (灣裡鹽田), An-sūn Iâm-tiâⁿ (安順鹽田) kap Sì-chhó Iâm-tiâⁿ (四草鹽田). Tâi-lâm tē-khu sī Tâi-oân pha̍k-iâm sán-gia̍p ê hoat-goân-tē, Ji̍t-pún sî-tāi ê chè-iâm hōe-siā tōa-pòaⁿ chū-chi̍p tī chia, Bîn-kok sî-tāi ê Iâm-bū Chóng-kio̍k (鹽務總局) Tâi-oân Chè-iâm Chóng-chhiúⁿ mā lóng siat tī chia. Iâm-tiûⁿ bóe-á tī 1997 nî thêng-chí pha̍k-iâm.
