Lâm-pō͘ Kho-ha̍k Hn̂g-khu

Lâm-pō͘ Kho-ha̍k Kang-gia̍p Hn̂g-khu (南部科學工業園區), kán-chheng Lâm-kho (南科) sī Tâi-oân lâm-pō͘ ê kho-ha̍k hn̂g-khu, tī Tâi-lâm-chhī kap Ko-hiông-chhī. Tâi-lâm chiàm-tē 1,043 kong-khéng, Ko-hiông chiàm-tē 567 kong-khéng, seng-ki i-liâu khì-châi choan-khu chiàm-tē 30 kong-khéng. Koán-lí-kio̍k siat tī Tâi-lâm hn̂g-khu. Í sán-ti̍t lâi khòaⁿ, cheng-îⁿ tāi-kang-gia̍p kap biān-pán-gia̍p sī Lâm-kho ê chú-le̍k sán-gia̍p, chiàm iok choân hn̂g-khu ê 8 siâⁿ chì 9 siâⁿ. Koán-lí ki-koan sī Kho-ki-pō͘ Lâm-pō͘ Kho-ha̍k Kang-gia̍p Hn̂g-khu Koán-lí-kio̍k.

Tâi-lâm hn̂g-khu tī Sin-chhī, Siān-hòa kap An-tēng. 1996 nî 1 goe̍h 20 hō tāng-thó͘, khai-hoat biān-chek 638 kong-khéng. Ki-tē kīn-óa Tâi-lâm tē-lí tiong-sim-tiám, kok hêng-chèng-khu jîn-kháu thong-khîn sî-kan it-tì, ka-sok hn̂g-khu khoài-sok sêng-tióng.