Tâi-oân Lô-má-jī Hia̍p-hōe

Siā-thoân Hoat-jîn Tâi-oân Lô-má-jī Hia̍p-hōe (社團法人台灣羅馬字協會), kán-chheng Tâi-lô-hōe (台羅會), tī 2001 nî 8 goe̍h 19 hō sêng-li̍p. Le̍k-jīm lí-sū-tiúⁿ ū Tiuⁿ Ho̍k-chū, Lîm Chheng-siông, Chiúⁿ Ûi-bûn, Hô Sìn-hān, Liāu Sūi-bêng, Lí Bûn-chèng téng. Tâi-oân Lô-má-jī Hia̍p-hōe ta̍k-nî heⁿh-joa̍h tēng-kî pān-lí Sè-kài Tâi-gí Bûn-hòa Iâⁿ. Chì 2015 nî í-keng pān-lí tē-19 kài.

Chong-chí

1. Thui-hêng Tâi-oân Lô-má-jī ê gián-kiù kap phó͘-phiàn-hòa.
2. Tui-jīn Tâi-oân Lô-má-jī kap Tâi-oân-ōe ê hoat-tēng tē-ūi.
3. Iau-kiû chèng-hú si̍t-si kong-pêⁿ chèng-gī ê to-gí-bûn chèng-chhek.
4. Kiàn-siat to-goân, khai-hòng, hō͘-siong chun-tiōng ê Tâi-oân bûn-hòa.