Tâi-sok Cha̍p-pó

Tâi-sok Káu-pó (台塑九寶) sī kóng Tâi-sok Chi̍p-thoân kî-hā ê 9 keng chiūⁿ-chhī ia̍h chiūⁿ-kūi kong-si. Goân-pún Tâi-oân Sok-ka Kang-gia̍p, Lâm-a Sok-ka Kang-gia̍p, Tâi-oân Hòa-ha̍k Chhiam-ûi, Tâi-sok Chio̍h-hòa téng 4 keng kong-si ha̍p-chheng Tâi-sok Sù-pó (台塑四寶). Āu-lâi koh lio̍k-sio̍k cheng-ka Hok-bō͘ Heng-gia̍p, Lâm-a Kho-ki, Hôa-a Kho-ki kap Lâm-a Tiān-lō͘-pán, Tâi-sok Chi̍p-thoân chiūⁿ-chhī kong-si sò͘-liōng ùi "4 pó", "6 pó" cheng-ka kàu "8 pó". 2007 nî Tâi-sok Sèng-ko Kho-ki kap Hok-bō͘ Kho-ki chiâⁿ-chò tē 9 kap tē 10 pó. 2016 nî 12 goe̍h Micron siu-kò͘ Hôa-a Kho-ki, 10 pó chhun 9 pó. Chhī-ta̍t tī 2017 nî 10 goe̍h chhe 1 sī Sin-tâi-phiò 3.13 tiāu îⁿ. Tâi-sok Chi̍p-thoân hāⁿ i-liâu-gia̍p, seng-hòa kho-ki-gia̍p, hóe-le̍k hoat-tiān-chhiúⁿ, khì-chhia-gia̍p, chio̍h-hòa-gia̍p, tiān-chú-gia̍p, sia̍k-cheng-îⁿ, tû-î hôe-siu téng tōa-hêng sán-gia̍p.