Tó-kok Chiân-chìn

Tó-kok Chiân-chìn (島國前進; Taiwan March), kán-chheng Tó-chiân (島前), sī chi̍t ê Tâi-oân ê siā-hōe ūn-tōng thoân-thé. Tī 2014 nî Thài-iông-hoe Ha̍k-ūn lo̍h-bō͘ liáu-āu, iû Lîm Hui-hoân, Tân Ûi-têng kap N̂g Kok-chhiong téng chē-chē miâ ha̍k-ūn chham-ú-chiá kiōng-tông lâi sêng-li̍p. Che tû-liáu iân-sio̍k Thài-iông-hoe Ha̍k-ūn sî-kî iau-kiû chè-tēng Lióng-hoāⁿ Hia̍p-gī Kàm-tok Tiâu-lē kap tùi-î Ho̍k-bū Bō͘-e̍k Hia̍p-gī ài seng li̍p-hoat chiah sím-cha sò͘-kiû, iā lēng-goā cheng-ka siu-chèng Kong-bîn Tâu-phiò Hoat ê kong-tâu liân-sú.