Tēng-sè hāu-èng

Tēng-sè hāu-èng (Eng-gí: Einstellung effect), chi̍t-chióng jīn-ti phian-gō͘, lâng kheng-hiòng kè-siok iōng se̍k-sāi ê hong-hoat lâi kai-koatbūn-tê, chiū-sǹg-sī ū kî-thaⁿ ê "khak hó--ê" iah-sī "khah sek-ha̍p--ê" kai-koat hong-hoat. Chit-ê sim-lí hiān-siōng tī 1964 nî hông hoat-hiān, pēng-chhiáⁿ siat-kè chhut chē-chē sim-lí si̍t-giām lâi giām-chèng.

Khài-lūn

Einstellung sī chi̍t-ê Tek-bûn jī-sû, ì-sù sī siat-tēng hó-sè--ê, an-chng hó-sè--ê, iā ē-tàng iōng-lâi chí chi̍t-ê lâng ê thāi-tō͘.

Tùi Tēng-sè hāu-èng ê gián-kiú, ùi 1940 nî-tāi khai-sí. Abraham S. Luchins bat siat-kè chhut sim-lí si̍t-giām lâi chèng-si̍t chit-ê hāu-èng.

Sim-lí si̍t-giām

Tùi Tēng-sè hāu-èng, siōng ū-miâ ê sim-lísi̍t-giām, sī Abraham S. Luchins ti 1942 nî siat-kè ê chúi-koàn si̍t-giām. Chit-ê si̍t-giām si, seng khǹg 3 ê chúi-koàn, iau-kiû si̍t-giām-chiá lī-iōng che 3 ê koàn-á, khì niû-chhut bó͘ chit-ê te̍k-tēng teng-liōng ê chúi. Tong pī-si̍t-giām-chiá chhōe-chhut hong-hoat liáu-āu, kái-piàn che 3 ê chúi-koàn ê iông-liōng. Tī kái-piàn iông-liōng liáu-āu, kan-ta su-iàu sú-iōng kî-tiong 2 ê koàn-á chiū ē-tàng niû-chhut iau-kiû ê chúi-liōng. M̄-koh si̍t-giām-chiá tiāⁿ-tiāⁿ ē kè-siok sú-iōng goân-lâi ê têng-sū, iōng 3 ê koàn-á hō͘-siong tó-chúi ê hong-hoat, lâi niû-chhut iau-kiû ê liōng.