Tek-chè-mn̂g ûi-chí

Tek-chè-mn̂g ûi-chí (德濟門遺址) ūi-tī Tiong-kok Hok-kiàn-séng  Choân-chiu-chhī Lí-siâⁿ-khu Thian-hiō-lō͘, tī Choân-chiu Thian-hiō-kiong lâm-pêng-bīn, 2006 nî sî chiâⁿ-chò Tē-la̍k-phoe Choân-kok Tiōng-tiám Bûn-bu̍t Pó-hō͘ Tan-ūi.

Tek-chè-mn̂g tī 1230 nî kiàn-li̍p, tong-sî hō-chò Tìn-lâm-mn̂g (鎮南門). Tī 1352 nî sî kái-miâ Tek-chè-mn̂g. Bêng Chheng sî-tāi lóng ū siu-kiàn. 1930 nî-tāi, Tek-chè-mn̂g hù-kīn ê siâⁿ-chhiûⁿ pī thiah-tû. 1948 nî, Tek-chè-mn̂g hóe-sio húi-hoāi. 2000 nî, hoat-ku̍t ûi-chí, bīn-chek tāi-iok 2000 pêng-hong kong-chhioh.