|
|map=[[File:Banlamgu.svg|200px]]<br>Bân-lâm-gú ê hun-pò͘
}}
'''Bân-lâm-gú'''/'''Bân-lâm-gí''' (漢文：{{link-zh|閩南語}}) sī [[Hàn-gí-cho̍k]] [[Bân-gí|Bân-gí-chi]] ê chit-châng tōa chhiūⁿ-châng ê 1-ki chhiū-oe, sī siōng-kài ū éng-hiáng-la̍t ê Bân-gí gí-giân. Kóng-gī ê Bân-lâm-gú hun-pò͘ hōan-ûi chiâⁿ-khoah, chú-iàu thong-hêng tī [[Hok-kiàn]] lâm-pō͘ ê [[Chiang-chiu]], [[Chôan-chiu]], [[Ē-mn̂g]]; [[Tâi-ôan]], [[Kńg-tang]] [[Tiô-chiu]], [[Sòaⁿ-thâu]] tē-khu, Lûi-chiu pòan-tó; [[Hái-lâm-tó]]; Chiat-kang-séng lâm-pō͘ ê Chhong-lâm-kōan, Pêng-iông-kōan, Tōng-thâu-kōan ; Hok-kiàn sai-pō͘ Lêng-nâ (Hàn-jī: 龍巖) ê chhī-khu kah Chiang-pêng-kōan; Hok-kiàn tang-pak-pō͘ ê Hok-tiáⁿ-chhī; [[Tang-lâm-a]] chi̍t-kóa-á kok-ka kah tē-khu.
Nā phó͘-thong-sî lâng kóng ''Bân-lâm-gú, Bân-lâm-gú'', he thàu-té sī leh kóng Hok-kiàn lâm-pō͘ [[Chôan-chiu|Chôan]]-[[Chiang-chiu|Chiang]]-[[Ē-mn̂g|Hā]] tē-khu kah Tâi-ôan chit-tah ê gí-giân.
== Gōa-lâi-gú ê chioh-sû ==
Ùi Tông-tiâu ê sî-tāi khai-sí, [[Chôan-chiu]] to̍h hoat-tián chiâⁿ-chòe "tang-hong tē-it tōa-káng", kó͘-tāi [[háiHái-siōng siSi-tiû chi-lō͘ Lō͘]] ê khí-tiám tī Chôan-chiu. Chhú-khì, Bân-lâm chit-tah hām [[Tiong-tang]], [[Tang-lâm-a]] ê lâi-óng ke-chiâⁿ chia̍p. Kòe-hoan ê hoan-kheh chiong gōa-hiuⁿ ê gí-giân chah tńg-lâi Hok-kiàn, nî-kú-go̍eh-chhim, ū ê gōa-lâi-gú ê gí-sû soah lām-lo̍h Bân-lâm-gú, chiâⁿ-chòe Bân-lâm-gú ê chi̍t-pō͘-hūn. Chit-khóan--ê, pí-lūn "sat-bûn", "pa-sat" (巴刹), "[[chi-ku-la̍t]]" (巧克力), "chu-lu̍t" (雪茄), "phia̍t-á" (碟子), "tōng-kak" (拐杖), "si̍p-pán-á" (鐵板手), "ba̍k-thâu" (商標), "àu-sài" (出界), "te̍k-sî" (出租車), "pa-sū" (巴士車), má-tih (死亡), "gō͘-kha-kī" (騎樓過廊), "ka-po̍k" / "ka-pò͘-mî" (木棉), "[[ko-pi]]" (咖啡) téng-téng.
Tâi-ôan Bân-lâm-gú ū koh-khah chē ê gōa-lâi-gí chioh-sû, kî-tiong siōng chē--ê sī [[Ji̍t-gí]] chioh-sû, pí-lūn kóng: [[o͘-tó͘-bái]], khí-mo͘-chih, [[chu-ná-mih]], tò-sàng, [[sa-sí-mih]]… Che í-gōa, ôan-á khip-siu chi̍t-kóa [[Pêⁿ-po͘-cho̍k]]-gí kah kî-thaⁿ gōa-gí ê sêng-hūn.
|
