Thiāu-á-kha

Thiāu-á-kha sī soán-kí tiong tī ki-chân kā hāu-soán-lîn tàu kò͘ thiāu-á-kha kiam giú phiò--ê iông-oân (傭員). To-sò͘ sī si̍k-sāi chāi-tē chèng-tī koh ū it-tēng sè-thâu--ê jîn-sū. Tī soán-chiàn, thiâu-á-kha ē ēng chióng-chióng ha̍p-hoat ia̍h put-hoat--ê pò͘-sò͘ hō͘ i só͘ iòng-hō͘ (擁護)--ê chèng-kheh tòng-soán, pí-lūn chio chhù-piⁿ ia̍h-sī in chi̍t-ke-hóe lâi tâu-phiò. O͘-se--ê chîⁿ kah lé-bu̍t iáu-koh tiāⁿ-tiāⁿ tùi in chiap-chhiú.

Ū lâng kóng chit ê ì-sù sī ùi Hô-ló-oē "thiāu-á ê kha" choán-lâi--ê, Hoâ-gí piàn-choè "樁腳" (chong-khiok, chù-im: ㄓㄨㄤ ㄐㄧㄠˇ, Hàn-gí pheng-im: zhuāngjiǎo), ì-sù sī khi̍t-á-kha.