Âng-ba̍k pan-ki
Âng-ba̍k pan-ki (Eng-gí: red-eye flight) sī leh kóng, tī pòaⁿ-mê kàu lêng-sîn ê sî-tōaⁿ ūn-hêng, jî-chhiáⁿ tī kòe-kang ê thàu-chá kàu ē-chái-á kàu bo̍k-tek-tē, hui-hêng sî-kan khah chió chèng-siông khùn-bîn ê su-kiû (8 tiám-cheng) ê chi̍t khoán kheh-ūn pan-ki. Âng-ba̍k pan-ki siōng-chá tī 1959 nî chhut-hiān tī Bí-kok, in-ūi chiūⁿ poe-lêng-ki, loh poe-lêng-ki lóng ba̍k-chiu âng-âng, ài-khùn ài-khùn, só͘-í hō-chò chit-ê miâ. Nā-sī âng-ba̍k pan-ki poe ū peh tiám-cheng í-siōng, lú-kheh tī poe-lêng-ki téng tō khùn khah ū-bîn, koh ē-tàng séng tòa pn̄g-tiàm ê chîⁿ kah sî-kan. Lēng-gōa, nā-sī nn̄g-pêng ê sî-chha siuⁿ-kòe chē, lú-kheh tio̍h ē sán-seng chhiūⁿ piàⁿ-mê ê sin-sim hū-tam.
Iu-tiám kah khiàm-tiám
siu-káiIu-tiám
siu-kái- Poe-lêng-ki ê sú-iōng-lu̍t gia̍h koân.
- Hâng-thêng nā kàu tn̂g (chhiau-kòe 7 tiám-cheng), lú-kheh khùn kah chin ū-bîn, kàu-ui tō ē-tàng khai-sí lú-hêng hêng-têng.
- Kè-siàu khah siok, ē pí ji̍t-kan pan-ki siok 2 siâⁿ chó-iū.
Khiàm-tiám
siu-kái- Chài-kheh-liōng kē, hâng-khong kong-si chin ū-khó-lêng ē liáu-chîⁿ.
- Poe-lêng-ki khí-poe chham kàng-lo̍h ê sî-kan siuⁿ-kòe òaⁿ. Thong-siông tong-tē ê kong-kiōng kau-thong lóng í-keng teh hioh-khùn, lú-kheh tio̍h-ài lēng-gōa ê lú-hùi sêng-pún chiah ē-tàng lī-khui ki-tiûⁿ.
- Chhut-hoat ê sî-sîn, chin ū-khó-lêng kahpoe-lêng-ki téng ê ho̍k-bū jîn-oân ê seng-lí sî-cheng bô-kâng, hō͘ hui-hêng êan-choân-sèng hā-kàng.
- Lú-kheh su-iàu thê-chá 1-2 tiám-cheng kàu ki-tiûⁿ pò-tò, chin ū-khó-lêng bô-hoat-tō͘ khùn-pá, sīm-chì ài piàⁿ-mê, ē khí éng-hióng-tio̍h ji̍t--sî ê hêng-têng.
- Khiā-chhù tī ki-tiûⁿ hù-kīn ê lâng tùi siaⁿ-im ê jím-nāi-tō͘ khah kē. Óa-kīn jîn-kháu bi̍t-chi̍p-khu ê ki-tiûⁿ thong-siông ē kui-tēng àm-sî bē-tàng ū poe-lêng-ki khí-kàng, só͘-í bô sek-ha̍p âng-ba̍k pang-ki.