Ûi-koan Kim-liông Tōa-lâu tò-hoāi sū-kò͘
(Tùi Ûi-koan Kim-liông Tōa-lâu tò-thap sū-kò͘ choán--lâi)
Ûi-koan Kim-liông Tōa-lâu tò-hoāi sū-kò͘ (維冠金龍大樓倒壞事故) sī chi̍t tiûⁿ hoat-seng tī 2016 nî 2 goe̍h 6 hō chá-khí 3-tiám 57-hun ê tōa-lâu tò-thap sū-kò͘. Ūi-tī Tâi-oân Tâi-lâm-chhī Éng-khong-khu Éng-tāi-lō͘ Jī-toāⁿ (永大路二段) kap Kok-kong-gō͘-ke (國光五街) kau-chhe-kháu ê Ûi-koan Kim-liông Tōa-lâu (維冠金龍大樓) in-ūi tú-tio̍h 2016 nî Ko-hiông Bi-long tē-tāng lâi tò-thap. Keng-kòe 8 kang ê chhiau-chhōe, chòe-āu tī 2 goe̍h 13 hō khak-tēng ū 114 lâng siū-lān sí-bông, seng-hoân-chiá 175 lâng, kî-tiong 95 lâng siu-siong. Chit tiûⁿ kiàn-tio̍k-bu̍t ê tò-thap sū-kò͘ sī kàu bo̍k-chiân ûi-chí, choân Tâi-oân siong-bông siōng-kài giâm-tiōng ê tò-thap chai-hāi.
