Thó-lūn:To

刀

一寡刀仔

刀是一款咱人定定使用的家私，刀一般生做長長，刀肉有真利的墘，會當用來切物件。

一支刀上重要的部份是刀肉，刀肉的墘利利，用來切物的所在，號做刀喙 (嘛講做刀鋩)，刀肉的尾一般攏做予尖尖(刀尾)，刀鋩有的是一爿，有的做雙爿，有雙爿刀鋩，刀肉直直的，一般共叫做劍較濟。

刀肉的跤接佇刀柄，刀柄是人用手掠刀的所在，有的刀閣會配刀殼 (嘛講做刀鞘)，無用刀的時陣，就通共刀肉收入去刀殼內底。

人類對石器石代就已經提刀來當做家私佮武器，這起間人是用石刀做刀，後來，人會曉利用金屬了後，刀肉的部份，才改用銅、鐵佮鋼鐵來做，現此時嘛有用瓷仔做的刀肉，總是刀的基本款式猶原無誠大的變化。

雖然基本款式相(相同)，刀的花款是雜花五式，大支的、細支的、直的、彎曲的、素面的、無仝花草的，逐國家、 逐所在、逐時代攏出濟濟生做各樣的刀仔。