Thó-lūn:Khióng-pò͘-chú-gī

恐怖主義

恐怖主義是一種向一般人民使用暴力的手路，來達成政治、宗教或者是社會經濟目的的想法，抑是主張， 恐怖主義的行為，恐怖活動，有可能是激孤飛，嘛有可能是透過團體來進行，有當時仔甚至受著某一寡政府的烏影來成做宣布戰爭的另外一款方式。

佇美國聯邦法典 ( United States Code ) 第22條, 第2656f(d) 段，是共恐怖主義定義做："代先有計劃，出佇政治動機的暴力犯罪，共非戰鬥人員當做目標，透過非國家團體或者是使暗行的透仔來進行，常在是想欲影響一般民家"。

總是咧用"恐怖主義"抑是"恐怖份子"遮的語詞的時，定定是有咧觸政治算盤的，一寡語詞嘛不時用佇政府宣傳內底，來鼓催逐家支持對敵特定的"恐怖份子"。

若是遐的支持對百姓人用暴力的政府，(人因)就會用一寡徛中抑是正面的語詞來講怹贊成的遐的戰鬥人員，比論講"自由戰士" ( freedom fighters )、"愛國者" (patriots)、"準軍隊" ( paramilitaries ) 、"鬥士" ( militant ), "友志" ( comrades )，抑是"行動份子" ( activists )，遮的語詞就攏較巴圇巴老。