Thó-lūn:Bûn-jī hē-thóng

文字系統

文字系統是用圖形來記錄語言的系統，這種圖形一般叫做文字，一个語言會使用一種以上的文字系統來表達，一个文字系統會使用佇一種以上的語言，一套文字系統佮一種語言相佮的時，需要一套正字法。

文字系統一般會使粗分做三類，表意文字 (logographic)、音節文字 (syllabic)佮拼音文字 (alphabetic)。

表意/圖像(Logographic)文字系統

佇表意文字系統內，基本上一个字著代表一个完整的概念抑是意思，為著欲表達佮寫一个語言所有的概念/意思，需要真濟無仝的字，佮拼音文字系統比起來，欲學用表意文字寫一个語言愛加倍真濟日，這是表意文字的一个缺點，因為表意文字的字佮意思是相佮做伙的，仝款一套表意文字系統照講會使用來寫無仝款的語言，毋過，實際上一套表意文字定定干焦會使佇真倚的語言中間相通，比論講漢字佮漢語系統的語言，這是因為語法會限制一个表意文字的通用性，日本話佮韓國話攏有用漢字，遮的漢字的意思佮漢語系統的意思真倚，毋過，這二个語言佮漢語差真遠，所以用漢字寫的漢語文字對日本人佮韓國人來講無法度理解。

上重要的表意文字系統是漢字，古早的埃及(Egypt)文佮馬雅(Maya)文嘛是表意文字，毋過這二種文字已經無咧用矣。

拼音(Alphabetic)文字系統

一个拼音文字系統用一寡字母來寫一个語言，遮的字母佮這个語言的音素有相當的關係，一个理想的拼音文字系統字母佮音素是一个對一个對好好：會曉寫著會曉讀，會曉讀著會曉寫。

文字系統分類

文字系統的分類	表達符號	例
表意	語素	漢字
音節	音節	片假名
拼音	音素	拉丁
母音附標(Abugida)	輔音+母音，母音	梵文(Devanagari)
輔音音素(Abjad)	輔音	阿拉伯(Arabic)
特徵	語音特徵	諺文

參考

• 文字系統列單
• 正字法