Pang-chān:清國國旗

黃龍旗

黃龍旗是清國1888年以後用个國旗。

背景

上早中國無國旗个概念，毋過按照彼當陣个國際習慣，若船無掛國旗著會夆 (hőng)當做是海賊，所以中國儂著定定掛外國國旗來貿易，造成一寡誤會，著不時有外國大使建議清國嘛家己制定一个國旗，方便𪜶知影彼是佗位來个船，嘛方便中國儂做生意。

歷史

三角黃龍旗

三角黃龍旗

1862年開始，清國制定三角形个旗仔來囥佇官船頂懸，毋過政府猶是無共伊當做是國旗。

長篙形黃龍旗

1881年，清國發現著別个國家攏是用長篙形个旗仔，煞共三角黃龍旗改做長篙形。

清國官員佇外國个時，看著別个國家攏有家己个旗仔，干焦清國無物件通掛，著請慈禧太后制定國旗，上尾伊選擇黃龍旗做清國國旗，並且宣佈對光緒十四年（1888年）開始，黃龍旗成做大清國旗。