Thó-lūn:Iû-thài-kàu

猶太教

猶太教形成佇公元前2000年的中東地區，建立猶太教的民族是彼當時的遊牧民族希伯來人。

猶太教嘛是一神論的宗教，崇拜主神阿竇乃，猶太教是希伯來人內部的民族宗教，基督教佮伊斯蘭教(Islam)這兩个世界上大的宗教，攏是對猶太教湠出去的，古早時，希臘國王亞歷山大大帝派兵征服希伯來人建立的猶太國，導致誠濟希伯來人流浪到希臘帝國，四散五路，公元前三世紀，希臘國王亞歷山大陀勒密二世招集七十外个會捌希臘語的猶太人，命令怹整理猶太文獻並且翻譯做希臘語，這就是現此時基督教咧用的希臘語聖經當中的舊約全書彼部份，人叫做"70子譯本"，路尾，猶太國又閣受著羅馬帝國徹底滅亡，啊.佇咧耶路撒冷(Jerusalem)的猶太教殿堂嘛被毀掉，干焦賰一節(聖殿)爛糊糊的牆仔（哭牆），猶太人嘛煞分散到歐[亞洲|亞]]各所在。

公元六世紀的時，有的猶太學者共"70子聖經"提出來閣整理校對，刣掉一寡仔佮希伯來原本抑是阿拉伯文本無關的內容，並且共經過重新整理的彼部份文字閣共翻譯希伯來文，成做猶太教的聖經，毋過，這个只不過是希伯來語聖經形成的一種講法爾。

2000外年來，猶太教攏分散佇世界各地，各人的語言佮文化真早就分化，怹攏是靠統一（共同）的宗教信仰咧維持民族認同，猶太教認為救世主到今猶未降生（出世），怹無承認基督耶穌是救世主（這就是猶太教和基督教上蓋基本的區別），因為按呢，猶太教嘛直直受著基督教徒的隔絕佮看輕，猶太教徒透底攏欣羨佮崇尚本民族奢颺的過去，19世紀了後，猶太復國思想佇全球興起，各所在的猶太人到底倒轉去巴勒思坦買收土地佮田園，了後怹建力以色列這个國家，嘛因為按呢，煞來和阿拉伯人（人講阿拉伯人已經踮這塊土地行欲2000年囉）發生嚴重的衝突。

因為有的猶太教、基督教佮伊斯蘭教這三个教派攏又承認舊約聖經當中的亞伯拉罕 (Abraham)，所以有的宗教學者chôaⁿ共猶太教、基督教佮伊斯蘭教統統叫做亞伯拉罕教。