Thó-lūn:Chū-iû nńg-thé

"Bián-chîⁿ" m̄-sī chū-iû nńg-thé ê tiong-sim te̍k-sek. Góa khah êng chiah lâi pó·-chhiong. A-giâu 7 Chhit-goe̍h 2005 06:53 (UTC)

• Goá chham-khó en:, kā kái-siá--koè. --Kiatgak 2008-nî 1-goe̍h 23-jἰt (Saⁿ) 10:15 (UTC)

自由軟體

GNU計劃的自由軟體標章

自由軟體是無限制人去用、研究、修改的軟體；嘛無限制人去拷抑是分散改過抑無改過的版本；若準有限制，嘛是為著確保收著的人有進前講的遮的權利，欲達到這个目的，程式的格式嘛愛予人讀有(原碼)，原碼一般會佮一份軟體授權 (說明著作權所有人開放的權利，佇遮就是自由軟體授權)；另外有的軟體是直接囥去公有領域 (public domain)，按呢使用者就會自動得著遮的權利。

自由軟體佮免費軟體 (freeware) 無相(相同)，免費軟體是會當無料使用的私有軟體 (proprietary software)，毋過袂當共研究、修改抑分散。

自由軟體佮開放原碼軟體 (open-source software, OSS)欲倚欲倚，毋過猶是有寡精差，自由軟體又閣號做"自由開放原碼軟體" (free and open-source software, FOSS)、"軟體自由" (software libre)，抑是"自由自由開放原碼軟體" (free, libre and open-source software, FLOSS)。

自由軟體會當自由分散，一般欲提著的成本攏真下，自由軟體的營運模式四常是靠提供服務，親像支援、訓練、客製化、整合，抑是驗證，啊若非自由軟體的營運模式就差較濟，像講使用者定著愛買一份授權才會當合法來使用一套軟體。

自由軟體運動佇1983年起磅，向望欲予電腦使用者有遮的自由，啊若無提供遮的自由的軟體就號做私有軟體 (proprietary software) 抑是非自由軟體 (non-free software)。

歷史

佇50年代、60年代、70年代，自由使用自由軟體是真平常的代誌，民眾佮硬體製造商共同分享軟體，軟體予民眾的電腦好用，製造商嘛歡喜遮的軟體予(人因)的產品佮較濟用途，70年代到80年代初期，因為軟體的運用愈來愈複雜，產業蓋使用著作權法來保護(人因)的投資，另外(人因)也開始用技術性的步數(親像干焦公佈二進位版( binary copies))予民眾袂當研究佮修改軟體。

理查‧斯托曼(Richard Stallman)拍拚幾若年想欲改變電腦工業佮使用者的文化，做甲真厭氣，路尾佇1983年發起革奴計劃(GNU Project)，1984年正月革奴作業系統(GNU)起磅，1985年10月自由軟體基金會 (FSF；Free Software Foundation)成立，斯托曼闡釋自由軟體的定義參"著佐權"(copyleft)的觀念，欲予眾人知影(人因)是設計來確保使用軟體的自由。

定義

1986年2月FSF制定第一的自由軟體的定義，理查‧斯托曼寫了到今猶咧用，內底要求講使用者提著的軟體愛有4種自由才是自由軟體：

• 自由0: 毋管啥用途攏會當走程式的自由。
• 自由1: 研究佮修改程式的自由。
• 自由2: 拷程式的自由，聽好協助親情五十。
• 自由3: 改進程式閣共公開的自由，按呢逐个攏有好空。

自由1佮3要求原碼愛公開，無者，無法度研究抑修改軟體。