Ayala Corporation

Ayala Corporation sī Hui-li̍p-pin Ayala Chi̍p-thoân (Ayala Group) ê khiā-kó͘ kong-si (holding company). In sī khah-chá Se-pan-gâ sî-tāi Domingo Róxas kap Antonio de Ayala chhòng-li̍p--ê, sī in Hui-kok siāng kó͘ kiam siāng tōa ê ho̍k-ha̍p khì-gia̍p (conglomerate). Ayala keng-êng ê sū-gia̍p chē khoán, tùi sió-bē, kàu-io̍k, put-tōng-sán, gîn-hâng, tiān-sìn, chúi-lī, lêng-goân, tiān-chú, chu-sìn ki-su̍t, ūn-su, kiān-khong chiàu-kò͘, kap siong-gia̍p koán-lí lóng ū.