Batanes

Batanes sī Hui-li̍p-pin ê chi̍t-ê séng, 2015 nî ê jîn-kháu ū 17,246. Batanes chú-iàu hâm 10-ê tó, pun 6-ê hêng-chèng-khu: Basco, Itbayat, Ivana, Mahatao, Sabtang, kap Uyugan.

Tē-lí

Batanes kûn-tó só͘-chāi tī jia̍t-tāi ê pak-pō͘, lî Tâi-oân pún-tó ū tāi-iok 150 kong-lí, lî Luzon pak hái-hōaⁿ ū 200 kong-lí. Batanes kap Luzon ê tiong-ng sī Balintang Hái-kiap chham Babuyan Kûn-tó, kap Tâi-oân chi kan sī Bashi Hái-kiap^[1].

Le̍k-sú

Eng-kok hâng-hái-sū William Dampier tī 1687 nî 8/9 goe̍h lâi kàu Batan, i kì-lio̍k ū chin-chōe chū-bîn. Sui-bóng sī ū kì-su̍t kúi-ê chng-siā, m̄-koh bô siá in siông-sè ê chē-chí. Chóng-sī, ū chi̍t kóa khó-kó͘ tē-tiám ē-tàng chi-chhî Dampier ê kì-lio̍k^[2]. Ji̍t-pún ê lâng khó-lêng mā pat khì kàu tī Batan ê Mahatao, hia-ê Ji̍t-pún-lâng, hō͘ chāi-tē ê Ivatan-lâng lia̍h khì chò kang, tùi 1668 nî kàu 1670 nî keng-kòe 1 tang gōa chiah thô cháu. Nn̄g tīn lâng lóng ū kì-lio̍k tong-tē ū ti-á kap pa̍t khoán lông-sán^[1].

Jîn-kháu

Batanes chiàu 2010 nî ê chu-liāu ū jîn-kháu 16,604^[3].

Chham-chiàu

↑ ^1.0 ^1.1 The Batanes Islands, Their First Observers, and Previous Archaeology, 4000 Years of Migration and Cultural Exchange: The Archaeology of the Batanes Islands, Northern Philippines.
↑ Vol. 39, The Philippine Islands, 1493–1898.
↑ Batanes Quickstat - January 2015

[Bellwood-1] 1.0 ^1.1 The Batanes Islands, Their First Observers, and Previous Archaeology, 4000 Years of Migration and Cultural Exchange: The Archaeology of the Batanes Islands, Northern Philippines.

[2] Vol. 39, The Philippine Islands, 1493–1898.

[3] Batanes Quickstat - January 2015

[1]

[2]

[3]