Black Panther (tiān-iáⁿ)

Black Panther sī 2018 nî ê Bí-kok chhiau-kip eng-hiông tiān-iáⁿ, chham-chiàu Marvel Comics ê kâng-miâ kak-sek. Che sī Marvel Studios chè-chok, Walt Disney Studios Motion Pictures hoat-hêng, Marvel Cinematic Universe ê tē-18 chhut tiān-iáⁿ. Pún chhut ê kàm-tok sī Ryan Coogler, i mā kap Joe Robert Cole chò-hóe siá iáⁿ-hì hì-bûn, chú-iàn Chadwick Boseman poaⁿ T'Challa / Black Panther, phòe Michael B. Jordan, Lupita Nyong'o, Danai Gurira, Martin Freeman, Daniel Kaluuya, Letitia Wright, Winston Duke, Angela Bassett, Forest Whitaker, kap Andy Serkis. Tī Black Panther ê kò͘-sū tang-tiong, T'Challa sī in lāu-pē kòe-sin liáu-āu Wakanda ê sin kok-ông, m̄-koh i-ê chú-khoân khì hō͘ siūⁿ-beh hòe-tû in kok-ka ko͘-li̍p chèng-chhek jî-chhiá jiá khí sè-kài kek-bēng ê sè-le̍k thiau-chiàn.