Phû-le̍k
(Tùi Buoyancy choán--lâi)
Phû-le̍k (浮力; buoyancy) sī liû-thé tùi tîm tī kî-tiong ê mi̍h-kiāⁿ, ūi-tio̍h beh tí-khòng i-ê tāng-liōng, só͘ chò ê hiòng-siōng ê la̍t. Liû-thé lāi ê ap-le̍k ē tòe-tio̍h chhim-tō͘ ê cheng-ka lâi cheng-ka. Só͘-í, tī liû-thé té-pō͘ ê ap-le̍k ē pí liû-thé piáu-bīn ê ap-le̍k khah-toā. Án-ne ê ap-le̍k piàn-hoà ē tùi tîm tī kî-tiong ê mi̍h-kiāⁿ ê téng-bīn kap ē-bīn chō-sêng bô-kāng toā ê si-la̍t, iā chiū sī phû-le̍k.
