CN Thah

CN Thah (Eng-gí: CN Tower) sī Canada Toronto ê chi̍t chō thong-sìn thah kiâm koan-kéng tâi, koân-tō͘ 553.33 kong-chhioh, 1976 nî khí-hó. Tī Burj Khalifa kap Kńg-chiu Thah oân-sêng í-chêng, CN Thah sī thong sè-kài siāng koân ê chū-khiā kò͘-chō (free-standing structure) kap tē-3 koân ê thah.

CN Thah kap sì-chiu-ûi ê lâu-á-chhù.

CN Thah sī Toronto ê tāi-piáu-sèng kiàn-tio̍k-bu̍t, mā sī hia chú-iàu ê koan-kong tiám chi it, bí chi̍t nî ū chhau-koè 200 bān ê lú-kheh chham-koan.

"CN" goân-lâi sī Eng-gí Canadian National (ì-sù: "Canada Kok-ka", sī Canada ê thih-lō͘ kong-si hō-miâ) ê lio̍k-siá, chóng-sī thah hiān-sî ê só͘-iú-chiá í-keng sī pa̍t keng kong-si. Chiàu i-ê miâ-goân, mā thang kiò Canada Kok-ka Thah.