Chèng-kù

chèng-kù (證據) tī sò͘-siōng-hoat siōng, sī the̍h-lâi khak-tēng tong-sū-jîn chú-tiuⁿ sī chin-si̍t ê chèng-bêng.

kau-thong sū-kò͘ liáu-āu ê kéng-chhat kò-sī, chhōe sū-hoat sî ê bo̍k-kek chèng-jîn.

Chèng-kù ê te̍k-teng

Kheh-koan-sèng: ū nn̄g chân hâm-gī, tē-it sī "tī ì-sek chi-goā, bô oá-khò chú-koan ì-sek lâi chûn-chāi", tē-jī sī "chiàu sū-si̍t pún-lâi ê bīn-bo̍k khó-chhat, bô ka-thiam kò-jîn phian-kiàn". Kheh-koan pēng bô tāi-piáu chin-si̍t, kheh-koan phian-tiōng chāi si̍t-chāi bu̍t-thé chèng-kù ê sio̍k-sèng, ah chin-si̍t phian-tiōng chāi giân-sû chèng-kù ê sio̍k-sèng. Kheh-koan pēng bô tāi-piáu pâi-thek chú-koan, tián-hêng ê chiū sī giân-sû chèng-kù, giân-sû chèng-kù kiông-tiāu ê sī chú-kheh-koan ê kiat-ha̍p.