Chô Sūi-goân

Chô Sūi-goân (曹瑞原; 1961 nî 12 goe̍h 27 ji̍t chhut-sì ) sī chi̍t ūi Tâi-oân ê chè-chok-jîn. 1980 nî ùi Oân-lîm Ko-tiong pit-gia̍p, 1984 nî Sè-sin Tāi-ha̍k Kóng-tiān-hē pit-gia̍p. Khah-chá bat chò kòe liap-iáⁿ-su, mā bat hip kì-lo̍k-phìⁿ, bóe-á tâu-ji̍p hí-kio̍k ê chhòng-chok, chok-phín chú-iàu sī tiān-sī-kio̍k, bat chē pái ji̍p-ûi Kim-cheng-chióng. 1989 nî tam-jīm Kong-kiōng Tiān-sī chiat-bo̍k chè-chok-jîn. 2003 nî kā Pe̍h Sian-ióng ê tn̂g-phiⁿ sió-soat Gia̍t-chú kái-pian chò tiān-sī-kio̍k Gia̍t-chú, ín-khí kóng-hoàn chù-bo̍k, pēng tit-tio̍h tē 38 kài Kim-cheng-chióng chē hāng khéng-tēng.