Chhim-ji̍p

Chhim-ji̍p sī chi̍t khoán kun-sū kong-kek, sī chi̍t pō͘ sio̍k bó͘ chi̍t tē-lí si̍t-thé ê chiàn-tò͘-oân, chhim-chhú ji̍p khì lēng-gōa chi̍t-ê si̍t-thé tng khòng-chè ê léng-thó͘, it-poaⁿ ū cheng-ho̍k, kái-hòng, he̍k-chiá sī têng-sin kiàn-li̍p tùi léng-thó͘ ê khòng-chè ia̍h thóng-tī-khoân; mā ū kiông-le̍k hun-koah kok-ka; thè-ōaⁿ goân-lâi ê chèng-hú ia̍h khòng-chè hit-ê chèng-hú; koh he̍k-chiá sī chia bo̍k-te̍k ê saⁿ-lām.