Chhit-niû-má-seⁿ
Chhit-niû-má seⁿ (七娘媽生) sī lán-lâng 7 goe̍h chhoe 7 hit-kang.
Thoân-thóng
siu-káiTâi-oân-lâng kóng Chhit-niû-má ōe（óa-chiang: ē ） pó-pì gín-á gâu tōa-hàn, chhù-nı̍h nā ū 16-hòe í-hā ê gín-á, tī Chhit-niû-má seⁿ chit-jı̍t beh-àm-á ê sî, tō ài chhoân lâi pài Chhit-niû-má, thang hō͘ gín-á-lâng 1-nî pêng-an sūn-sū. Pài-pài ê só͘-chai sī tī mn̂g-kha-káu, it-poaⁿ sī pài kóe, hoe, iû-pn̄g, ian-chi, koh ài chhoân bīn-kin-á kap 1-bīn-tháng-á chúi hō͘ Chhit-niû-má sóe-chhiú-bīn.
Mā ū lâng tī gín-á 16-hòe hit-tang ê Chhit-niû-má seⁿ kā gín-á chò 16 hòe.
Hiān-tāi ê liû-hêng bûn-hòa
siu-káiŪi-tio̍h siong-gia̍p lī-ek ê koan-hē, liû-hêng bûn-hòa kā Chhit-niû-má ê thoân-soat tòng-chò ài-chêng kò͘-sū, kā chit-kang tòng-chò chêng-jîn-cheh. Nā ū lâm-lú-pêng-iú ê lâng tō ài sio-chio lâi khì chia̍h chhan-thiaⁿ, ài sàng-hoe, ài ū lô-mán-tí-khuh ê khì-hun.