Chho͘-téng hâm-sò͘

Tī sò͘-ha̍k tiong, chho͘-téng hâm-sò͘ (初等函數; elementary function) sī iû siông-sò͘ hâm-sò͘, be̍k-hâm-sò͘, chí-sò͘ hâm-sò͘, tùi-sò͘ hâm-sò͘, saⁿ-kak hâm-sò͘ kap ge̍k-saⁿ-kak hâm-sò͘ keng-kòe iú-hān chhù ê iú-lí ūn-sǹg kap iú-hān chhù ê hâm-sò͘ ha̍p-sêng liáu-āu só͘ sán-seng ê ē-ēng tī tēng-gī-he̍k téng í chi̍t ê hong-têng-sek lâi piáu-sī ê hâm-sò͘. It-poaⁿ lâi kóng, hun-toāⁿ hâm-sò͘ m̄-sī chho͘-téng hâm-sò͘, in-ūi tī chia-ê hun-toāⁿ hâm-sò͘ ê tēng-gī-he̍k téng, bô-hoat-tō͘ iōng chi̍t ê kái-sek-sek lâi piáu-ta̍t in.