Eng-Ài Tiâu-iok

Eng-Ài Tiâu-iok sī Liân-ha̍p Ông-kok hām Ài-ní-lân tāi-piáu tī 1921 nî chhiam-tēng ê chi̍t hūn iú-koan Ài-ní-lân Tó chú-khoân kui-sio̍k ê tiâu-iok.

Tē-it-chhù Sè-kài Tāi-chiàn kiat-sok liáu-āu, goân-té sio̍k-tī Liân-ha̍p Ông-kok ê Ài-ní-lân cheng-chhú to̍k-li̍p ê siaⁿ-im jú-lâi-jú koân. Sinn Féin Tóng tī Dublin tiàu-khai kok-bîn gī-hōe, hoat-piáu to̍k-li̍p soan-giân, soan-pò͘ sêng-li̍p kiōng-hô-kok, pēng khai-tián iû-kek chiàn-cheng. 1921 nî joa̍h-lâng, Eng-kok Chū-iû Tóng ê David Lloyd George chèng-hú pī pek chham Ài-ní-lân chhiam-tēng thêng-chiàn hia̍p-tēng. 7 goe̍h, siang-hong tī London khai-sí tâm-phòaⁿ, 12 goe̍h chhe 6 chhiam-iok.