Gû-á-khò͘
Gû-á-khò͘ (Jeans; 牛仔褲) sī chi̍t chióng ēng Denim ia̍h-sī Dungaree pò͘-liāu só͘ thīⁿ ê tn̂g-khò͘. Pêng-siông-sî só͘ kóng ê gû-á-khò͘, sī tāi-piáu Jacob Davis kap Levi Strauss tī 1873 nî chò-hóe hoat-bêng ê "nâ-sek" gû-á-khò͘. Ùi 1950 nî-tāi khai-sí, siàu-liân-ke liû-hêng pún-lâi sī choan-bûn chò hō͘ Cowboy kap kang-lâng chhēng ê gû-á-khò͘. Chhut-miâ ê gû-á-khò͘ phín-pâi ū Levi's, Lee kap Wrangler.
