Gō͘-tiâu-káng

Gō͘-tiâu-káng (五條港) sī khah-chá Tâi-oân Chheng léng sî-kî chûn-chāi tī chit-má Tâi-lâm-chhī Tiong-se-khu lāi ê 5 tiâu siong-iōng káng-tō, iû pak kàu lâm hun-pia̍t sī Sin-káng-kîⁿ-káng (新港墘港), Hu̍t-thâu-káng (佛頭港), Lâm-sì-káng (南勢港), Lâm-hô-káng (南河港) kap An-hái-káng (安海港) téng. Hoān-ûi tāi-iok tī chit-má ê Tiong-chèng-lō͘ í pak, Sin-bí-ke í sai, Sêng-kong-lō͘ í lâm chó-iū, sī í-chêng Tâi-oân Hú-siâⁿ siāng tiōng-iàu ê siong-gia̍p mn̂g-hō͘, hiān-chhú-sî í-keng chiâⁿ-chò Tâi-lâm-chhī tē-hā chúi-tō ê tiong-kàn-sòaⁿ. Chit-má Tâi-lâm-chhī siat-li̍p ê Gō͘-tiâu-káng Bûn-hòa Hn̂g-khu tio̍h sī tī chia. 2015 nî tē-che̍k têng chhek liáu-āu, Gō͘-tiâu-káng mā chiâⁿ-chò tē-che̍k tōaⁿ-miâ.