Hâng-ho̍k (bu̍t-lí-ha̍k)

Hâng-ho̍k (降伏; yield) sī hui-sòaⁿ-sèng piàn-hêng ê khai-toan. Hâng-ho̍k-tiám (--點) sī èng-le̍k–èng-piàn khiok-sòaⁿ téng ê chi̍t ê tiám. Che sī tân-sèng hêng-ûi ê ke̍k-hān, iā sī sok-sèng hêng-ûi ê khai-toan. Hâng-ho̍k èng-le̍k (yield stress) sī chi̍t ê châi-liāu sèng-chit, tēng-gī chò châi-liāu khai-sí sok-sèng piàn-hêng sî ê èng-le̍k.

Èng-le̍k–èng-piàn khiok-sòaⁿ biâu-su̍t hui-thih kim-sio̍k ê tián-hêng hâng-ho̍k hêng-ûi; èng-le̍k ($\sigma$) sī èng-piàn ($\epsilon$) ê koan-sò͘

• 1: Chiâⁿ-si̍t tân-sèng hān-tō͘
• 2: Pí-lē hān-tō͘
• 3: Tân-sèng hān-tō͘
• 4: Hâng-ho̍k kiông-tō͘

Tī hâng-ho̍k chìn-chêng, châi-liāu thêng-hiān tân-sèng piàn-hêng, jî-chhiáⁿ tī èng-le̍k khì-tî āu, châi-liāu ē piàn tńg-khì goân-lâi ê hêng-chōng. Tī hâng-ho̍k liáu-āu, éng-kiú piàn-hêng ē khai-sí chhut-hiān.