Hān-lîm Tê-koán

Hān-lîm Kok-chè Khì-gia̍p Kó͘-hūn Iú-hān Kong-si (翰林國際企業股份有限公司), kán-chheng Hān-lîm Tê-koán (翰林茶館), tī 1986 nî iû Tô͘ Chong-hô (凃宗和) sêng-li̍p, chóng-pō͘ tī Tâi-oân Tâi-lâm-chhī. Chú-iàu sán-phín sī Tâi-oân tê bûn-hòa lūi siong-phín, tī Tâi-oân í-keng ū chē-chē keng ti̍t-êng-tiàm. I kap Chhun-chúi-tn̂g Jîn-bûn Tê-koán sio-cheⁿ kóng in ka-kī chiah sī chin-chu gû-leng tê ê gián-hoat-chiá.