Hōaⁿ-lāi Thn̂g-chhiúⁿ

Hōaⁿ-lāi Thn̂g-chiuⁿ，goân-lâi sī Iâm-chúi-káng Cheng-thn̂g Chu-sek Hōe-siā só͘ sio̍k ê Hōaⁿ-lāi Chè-thn̂g-só͘ Tē-it Kang-tiûⁿ、Tē-jī Kang-tiûⁿ，ūi-tī Tâi-lâm-chhī Iâm-chúi-khu Hōaⁿ-lāi-lí. Bo̍k-chêng chhiúⁿ-khu lāi kiàn-tiok to-sò͘ í-keng thiah-tû，2018 nî iû Bûn-hòa pō͘-tiúⁿ Tēⁿ Lē-kun soan-pò͘ kā Hōaⁿ-lāi Thn̂g-chhiúⁿ kui-ōe chò iáⁿ-sī ki-tē hn̂g-khu，chok-ûi choan-gia̍p chè-phìⁿ-chhiúⁿ.

Goân Iâm-chúi-káng Chè-thn̂g Chu-sek Hōe-siā Hōaⁿ-lāi Chè-thn̂g-só͘ Si̍t-giām-sek
Tâi-oân ê bûn-hòa chu-sán
Ji̍t-pún sî-kî ê Hōaⁿ-lāi Thn̂g-chhiúⁿ
Téng-kip	Le̍k-sú kiàn-tiok
Lūi-pia̍t	Sán-gia̍p siat-si
Kong-kò ji̍t-chí	2017 nî 3 ge̍h 23 hō
Só͘-chāi	Tâi-lâm-chhī Iâm-chúi-khu Hōaⁿ-lāi
Kiàn-sêng nî-tāi	Ji̍t-pún sî-kî
Châi-chit	chng-á、pe̍h-thih-á niû、khōng-ku-lí
Siông-sè teng-lo̍k chu-liāu

Le̍k-sú

• 1903 nî，Tâi-lâm Thn̂g-chhiúⁿ Ông Soat-lông téng lâng chhòng-siat Iâm-chúi-káng Cheng-thn̂g Chu-sek Hōe-siā，pēng tī Tâi-lâm-chiu Sin-iâⁿ-kūn Iâm-chúi-ke siat-li̍p sin-sek chè-thn̂g kang-tiûⁿ.
• 1905 nî，chè-thn̂g kang-tiûⁿ chèng-sek khai-kang ūn-choán，ta̍k-ji̍t kheh kam-chià ê liōng sī 1000 kong-tùn.
• 1907 nî 3 ge̍h，Hō͘-li So͘-it-chi̍t téng lâng kè-sêng Iâm-chúi-káng Chè-thn̂g Chu-sek Hōe-siā pēng iân-iōng hit-ê miâ；tī Sin-iâⁿ siat-li̍p chè-thn̂g kang-tiûⁿ，chheng-chò Tē-jī Kang-tiûⁿ（āu-lâi sī Sin-iâⁿ Chè-thn̂g-só͘），ta̍k-ji̍t kheh kam-chià ê liōng sī 1,000 kong-tùn，ūi-tī Iâm-chúi ê chè-thn̂g kang-tiûⁿ tō kái-miâ chò Tē-it Kang-tiûⁿ（āu-lâi ê Hōaⁿ-lāi Chè-thn̂g-só͘ Tē-it Kang-tiûⁿ）.
• 1910 nî，tī Hōaⁿ-lāi cheng-kiàn ta̍k-ji̍t kheh kam-chià liōng 1200 kong-tùn ê Tē-saⁿ Kang-tiûⁿ（āu-lâi ê Hōaⁿ-lāi Chè-thn̂g-só͘ Tē-jī Kang-tiûⁿ）.
• 1945 nî chiàn-āu，sio̍k-î Tâi-oân Thn̂g-gia̍p Kong-si Tē-sì-khu Hun-kong-si，kái-miâ chò Hōaⁿ-lāi Thn̂g-chhiúⁿ；in-ūi siū hong-chà sún-hoāi giâm-tiōng，Tē-it Kang-tiûⁿ kap Tē-jī Kang-tiûⁿ ha̍p-pèng.
• 1947 nî 11 ge̍h，hoe-ho̍k chè-thn̂g chok-gia̍p.
• 1950 nî，Tâi-thn̂g Kong-si kái chóng-tiûⁿ-chè，iû Sin-iâⁿ Chóng-chhiúⁿ koán-hat.
• 1967 nî，kài tōa-chhiúⁿ-chè，iû-goân sio̍k-tī Sin-iâⁿ Chóng-chhiúⁿ.
• 1978 nî，kái-chhái sin A-liû-sng hoat-tō͘ seng-sán te̍k-kip soa-thn̂g.
• 1992 nî 10 ge̍h 1 hō，Hōaⁿ-lāi Thn̂g-chhiúⁿ thêng-sán koaiⁿ-mn̂g，pèng ji̍p-khì Sin-iâⁿ Chóng-chhiúⁿ，kái-chheng chò Hōaⁿ-lai Kang-tiûⁿ.
• 1994 nî，Hōaⁿ-lāi Kang-tiûⁿ thêng-chí，goân lông-tiûⁿ iû Lâm-chēng Thn̂g-chhiúⁿ koán-lí.
• 1997 nî，chhiúⁿ-khu siat-pī sóa-kàu Oa̍t-lâm siat-chhiúⁿ.
• 2018 nî，kui-ōe chò iáⁿ-sī hn̂g-khu.

Bûn-hòa Chu-sán

Goân Iâm-chúi-káng Chè-thn̂g Chu-sek Hōe-siā Hōaⁿ-lāi Chè-thn̂g-só͘ Si̍t-giām-sek

Goân Iâm-chúi-káng Chè-thn̂g Chu-sek Hōe-siā Hōaⁿ-lāi Chè-thn̂g-só͘ Si̍t-giām-sek，goân-lâi sī chò chè-thn̂g gián-kiú ê tiong kui-bô͘ si̍t-giām-sek，Jī-chhù Chiàn-cheng kî-kan pō͘-hūn kiàn-tiok-bu̍t siū húi-hoāi. Chiàn-āu kiap-siukā lāi-pō͘ siat-pī poaⁿ-cháu，chiàu i goân-iūⁿ chéng-siu kap khok-kiàn，chò Kang-bū-khò pān-kong-sek sú-iōng，cheng-kiàn ê hûn-jiah chheng-chhó khó-kiàn.

Iáⁿ-sī Hn̂g-khu

2018 nî，Chiân-chiam Ki-chhó͘ Kiàn-siat Kè-ōe tiong，Tâi-lâm Chhī-chèng-hú cheng-chhu kàu sin-Tâi-phiò 1.2 ek keng-hùi，kā Hōaⁿ-lāi Thn̂g-chhiúⁿ khí-chō chò iáⁿ-sī hn̂g-khu. 2018 nî 9 ge̍h 17 hō，Bûn-hòa-pō͘-tiúⁿ Tēⁿ Lē-kun ti Tâi-lâm-chhī tāi-lí chhī-tiúⁿ Lí Bēng-gān、gī-tiúⁿ Lōa Bí-hūi、Bûn-hòa-kio̍k-tiúⁿ Ia̍p Te̍k-san Archived 2021-08-19 at the Wayback Machine. téng lâng pôe-tông chi-hā hóng-sī thn̂g-chhiúⁿ. Tēⁿ piáu-sī kòe-khì Tâi-oân iáⁿ-sī kio̍k-cho͘ khí-tah ê tiûⁿ-kéng，lóng bô pó-liû lo̍h--lâi chin phah-sńg. Bûn-hòa-pō͘ ē chi-chhî chit-ê iáⁿ-sī hn̂g-khu ê kiàn-siat kap êng-ūn，kā i khí-chō chò choan-gia̍p chè-phìⁿ-chhiúⁿ. Lí Bēng-gān chí-chhut，Tâi-lâm ê ha̍k-hāu ū 25 ê iáⁿ-sī siong-koan hē-só͘，iáⁿ-sī hn̂g-khu thang chò pôe-io̍k jîn-châi ê ki-tē. Siâng-nî 11 ge̍h 7 hō，Bûn-hòa-pō͘、Tâi-lâm Chhī-chèng-hú、Tâi-oân Thn̂g-gia̍p Kong-si kap ū-pī tī hit-só͘-chāi chhú-kéng ê《Ka-lé Hoe》kio̍k-cho͘ chòe-hé chhut-se̍k，ūi-tio̍h tah-kéng khai-kang-tián-lé chián-chhái. Tî-liáu《Ka-lé Hoe》só͘ su-iàu ê Chheng-kok sî-kî tiûⁿ-kéng，hn̂g-khu iā beh lio̍k-sio̍k tah-kiàn Ji̍t-pún sî-kî kap Bîn-kok chho͘-nî koàn-chhun ê tiûⁿ-kéng，thê-kiong bô-kâng thoân-tūi sú-iōng.

Gōa-pō͘ Liân-kiat

• Tâi-thn̂g Choân-kiû Tiong-bûn Ji̍p-kháu-bāng(Archived 2010-08-29 at the Wayback Machine.)
• Hōaⁿ-lāi Thn̂g-chhiúⁿ -- Tâi-oân Chè-thn̂g Kang-chhiúⁿ Pah-nî Bûn-sú Tē-tô͘

Koan-hē Thih-lō͘

• Hōaⁿ-lāi Thn̂g-chhiúⁿ Thih-tō Hun-pò͘ Tô͘