Hòa-ha̍k kang-têng
(Tùi Hoà-ha̍k kang-têng choán--lâi)
Huà-ha̍k kang-tîng (kán-tshing Huà-kang) sī kang-tîng ha̍k-būn ê tsi̍t ê hun-tsi. I kiat-ha̍p tsū-jiân kho-ha̍k (bu̍t-lí kah huà-ha̍k) kah sing-bu̍t kho-ha̍k, līng-guā koh ka-siōng sòo-ha̍k hām king-tsè kè-sǹg, tsuan-bûn tsè-tsok ū-lōo-īng ê Huà-ha̍k sán-phín; tshin-tshiūnn lîng-guân kah guân-liāu. I tī sing-sán ê kuè-tîng tang-tiong, tsú-iàu sī teh pān-ián tshú-lí bu̍t-tsit sing-sán kah lîng-guân tsuán-uānn ê kak-sik. Hiān-tāi, Huà-ha̍k kang-tîng tiōng-sī tshuē tshut ē-sái kā sio̍k-kè guân-liāu tsuán-uānn sîng kuì-tiōng sán-phín ê tsè-tsok kuè-tîng, lâi tshú-tit siōng tuā ê lī-sûn. I tông-sî mā sī nano kho-ki, jiân-liāu tiān-tî kah sing-huà kang-tîng hong-bīn ê tiōng-iàu khai-tshòng kah tuà-niá tsiá.
