Huziko Huzio

Huziko Huzio (Ji̍t-bûn: 藤子不二雄) sī 1-tùi Ji̍t-pún báng-gah oē-ka ê pit-miâ. In lóng-sī Toyama-kōan lâng. Jī-lâng siòng-sek î Takaoka Chhī-li̍p Zyôzuka Kok-bîn Ha̍k-hāu (高岡市立定塚国民学校), pēng chò-hóe ōe báng-gah, tâu-kó kàu pò-khan tiong. Tī 1987 nî in 2 lâng hun-khui, kái iōng 2 ê miâ:

• Huziko F Huzio (藤子・F・不二雄): pún-miâ Huzimoto Hirosi (藤本弘), 1933 nî 12-goe̍h 1 kàu 1996 nî 9-goe̍h 23. Doraemon sī i ê chhòng-chok.
• Huziko Huzio (A) (藤子不二雄Ⓐ): pún-miâ Abiko Motô (安孫子素雄), 1934 nî 3-goe̍h 10 chhut-sì.

Sū-jiah

1947 nî, Huziko Huzio siū-tio̍h báng-gah tāi-su Tezuka Osamu (Black Jack, Tetuwan Atom ê chok-chiá) khé-hoat, li̍p-chì chiâⁿ-chò jî-tông bān-ōe-ka, 1964 nî hoat-pió Obake no Q-tarô it-phàu-jî-hông. Sòa-lo̍h, 1970 nî 1-goe̍h, Huziko Huzio chhòng-chok Doraemon, î Sió-ha̍k 1-4 nî seng cha̍p-chì tiong khai-sí liân-chài. in-uī Doraemon siū sió-ha̍k-seng hoan-gêng, chiong-î tī 1973 nî Huziko Huzio iâⁿ-tio̍h Ji̍t-pún Bān-ōe-ka Hia̍p-hōe Iu-siù-sióng (日本漫画家協会賞) kap āu--lâi ê Bûn-pō͘ Tāi-sîn-sióng (文部大臣賞).

Sui-jiân nn̄g-lâng chá-tio̍h khai-sí chū-ka chhòng-chok, Huziko Huzio chit-ê pit miâ it-ti̍t iōng chì 1987 nî 12-goe̍h 23, Huzimoto Hirosi kap Abiko Motô nn̄g-lâng koat-tēng chèng-sek thiah-kó͘, ūi-tio̍h khu-pia̍t chū-ka ê bô-kāng, Huzimoto Hirosi kap Abiko Motô iā hūn-pa̍t tī goân pit-miâ tiong ka-ji̍p chū-ka sèⁿ-sī chhiú jī-bó chok-uî khu-pia̍t, hit-sî Huzimoto Hirosi ê pún-miâ kái-ûi Huziko Huzio Ⓕ, Abiko Motô chiah kái-ûi Huziko Huzio Ⓐ. 1989 nî 2-goe̍h, Huzimoto ê pêng-iú Isinomori Syotarô (石森章太郎) sin-seⁿ kiàn-gī Huzimoto Hirosi kā pit-miâ kái-ûi Huziko F Huzio, jî Abiko Motô chiah í Huziko Huzio Ⓐ ūi pit-miâ.