Io̍h-bu̍t ê kìm-chí

Tùi io̍h-bu̍t ê kìm-chí, chú-iàu sī chèng-hú keng-kòe hoat-lu̍t téng hong-sek kìm ēng ngô͘-lo̍k-sèng ê io̍h-bu̍t ia̍h kî-tha hòa-ha̍k bu̍t-chit ê sú-iōng.

Chiàu chi̍t kóa hoat-lu̍t ê kui-tēng, ū-ê io̍h-bu̍t nā chhî-iú sī hui-hoat--ê. Mā chin chē chèng-hú sī te̍k-pia̍t chiam-tùi it-tēng chióng-lūi ê io̍h-á chò seng-sán, pun-sòaⁿ, kóng-kò, hoān-bē kap sú-iōng téng hāng-bo̍k keng-kòe chhú-hong hē-thóng chò koán-chè. Pí-lūn ū-ê io̍h nā ū i-seng khui chhú-hong, chiō thang ha̍p-hoat chhî-iú.

Ū-ê io̍h-bu̍t sī goân-choân hông kìm-chí--ê. Chòe phó͘-phiàn siū tio̍h kìm-chí ê bu̍t-chit pau-koat chi̍t kóa cheng-sîn-io̍h (psychoactive drug).

Siū kìm-chí ê io̍h-bu̍t tiāⁿ chiō sī it-poaⁿ só͘ kóng ê to̍k-phín, chóng-sī nā hoat-lu̍t bô kui-tēng tio̍h, he̍k-chiá sī te̍k-pia̍t khai-hòng lâng sú-iōng ê "to̍k-phín", sī bô siū kìm-chí--ê.

Siong-koan

• Chiú-lūi ê kìm-chí
• Ta-bá-koh ê kìm-chí