Tiong-kok Tiong-iong Tiān-sī-tâi Chhun-cheh Liân-hoan Boán-hōe

Tiong-kok Tiong-iong Tiān-sī-tâi Chhun-cheh Liân-hoan Boán-hōe (中國中央電視台春節聯歡晚會), kán-chheng Iong-sī Chhun-boán (央視春晚), sī Tiong-kok Tiong-iong Tiān-sī-tâi ūi-tio̍h beh khèng-chiok kū-le̍k sin-nî, ùi 1983 nî khí tī ta̍k-nî ê jī-káu-mê ám-sî kí-pān ê tiān-sī chong-ha̍p boán-hōe. Tiong-kok Tiong-iong Tiān-sī-tâi, Tiong-iong Jîn-bîn Kóng-pò͘ Tiān-tâi, Tiong-kok Kok-chè Kóng-pò͘ Tiān-tâi kap kî-thaⁿ choa̍t tōa pō͘-hūn ê Tiong-kok tē-hng tiān-sī-tâi lóng ē hiān-tiûⁿ hòng-sàng chit-ê boán-hōe. Iong-sī Chhun-boán sī Tiong-kok koan-chù-tō͘ siāng koân ê tiān-sī chiat-bo̍k chi it, mā hō͘ Kim-sī Sè-kài Kì-lio̍k jīn-chèng chò sè-kài siōng koan-chiòng jîn-sò͘ siāng chē ê chiat-bo̍k.