Kang-lâng

Kang-lâng sī chiông-sū bó͘ chióng chit-gia̍p ê lô-tōng-chiá. Kang-lâng it-poaⁿ kóng ê sī tī kang-gia̍p seng-sán léng-he̍k óa-khò chhut-bē lô-tōng-la̍t lâi chhú-tit pò-siû ê lâng, thong-siông sī "thé-la̍t lô-tōng-chiá". Kang-lâng it-poaⁿ chí tī kang-tiûⁿ tiong seng-sán ê lâng, tû-liáu kang-tiûⁿ ê koán-lí-chiá í-gōa, lóng sī kang-lâng. Tī chi̍t-kóa kok-ka, kang-lâng ū-sî-chūn m̄-nā sī chí tī kang-tiûⁿ lāi chiông-sū seng-sán kang-chok ê lâng, mā chí tī siā-hōe ho̍k-bū hâng-gia̍p kang-chok ê lâng, chhin-chhiūⁿ ho̍k-bū-oân, chúi-tiān-kang, siau-siū-oân téng tī siāng chiân-sòaⁿ kang-chok ê jîn-oân lóng pī tēng-gī chò kang-lâng kai-kip, jî-chhiáⁿ kang-lâng ê siu-ji̍p mā kan-na ē-tàng î-chhî tī siāng-kē kang-chu chó-iū. Ū-ê tē-khu kang-lâng kap lô-kang kāng-khoán ì-sù, hoàn-chí siū-sin kai-kip, kî-tiong pau-hâm siu-ji̍p hui-siông koân ê tiong-sán kai-kip jîn-sū.