Khêng-chiu Hái-kiap

Khêng-chiu Hái-kiap (瓊州海峽) sī Hái-lâm-tó chham Lûi-chiu Poàn-tó tiong-kan ê chi̍t tiâu hái-kiap. Chit-ê miâ-hō goân-chū Hái-lâm-tó ê phian-miâ "Khêng-chiu-tó". Che sī Tiong-kok 3 tōa hái-kiap chi it. Khêng-chiu Hái-kiap tang-sai 80 kong-lí tn̂g, lâm-pak 29.5 kong-lí khoah, siāng e̍h ê só͘-chāi kan-na 18 kong-lí khoah; pêng-kin hái-chúi chhim-tō͘ 44 kong-chhioh, siāng tōa chhim-tō͘ 114 kong-chhioh, chúi-he̍k biān-chek 2300-gōa pêng-hong kong-lí.