Khì-koan î-si̍t

Khì-koan î-si̍t (器官移植) sī kā kò-thé ê bó͘ chi̍t ê khì-koan kui-ê ia̍h pō͘-hūn choán-î kàu lēng-gōa chi̍t ê kò-thé ê kòe-têng. Î-si̍t ê bo̍k-tek sī iōng lâi-chū kiong-thé oân-hó, kiān-choân ê khì-koan thè-tāi sún-hāi ia̍h kong-lêng sòng-sit ê khì-koan. Thê-kiong khì-koan ê hit hong sī khì-koan î-si̍t ê kiong-thé, ē-tàng lâi-chū chāi-sè ê lâng, mā ē-tàng lâi-chū tú-chiah kòe-sin ê lâng. Chiap-siū khì-koan î-si̍t ê hit hong sī khì-koan î-si̍t ê siū-chiá.