Ko-hiông Chhī-li̍p Chhit-hiân Kok-bîn Tiong-ha̍k
Ko-hiông Chhī-li̍p Chhit-hiân Kok-bîn Tiong-ha̍k (Eng-gí: Kaohsiung Municipal Cisian Junior High School), kán-chheng-chò Chhit-hiân Kok-tiong, sī chi̍t keng tī Ko-hiông-chhī Kó͘-san-khu ê kok-tiong.
| Ko-hiông Chhī-li̍p Chhit-hiân Kok-tiong | |
|---|---|
| Sêng-li̍p | 1969-8-1 |
| Lūi-hêng | Chhī-li̍p Kok-bîn Tiong-ha̍k |
| Só͘-chāi |
 Tiong-hôa Bîn-kok Ko-hiông-chhī Kó͘-san-khu |
| Hāu-tiúⁿ | Khu Guân-hú (邱元甫) |
| Chū-chí | Ko-hiông-chhī Kó͘-san-khu Bí-su̍t Tang-san-lō 110-hō |
| Bāng-chām | Chhit-hiân Kok-tiong |
Chhit-hiân kok-tiong tī 1969 nî sin-sêng-li̍p, chham kū-té ê Chiân-kim Kok-tiong kan-na chha kúi-pah bí niā. Siū-tio̍h chió-kiáⁿ-hòa ê éng-hióng, 2009 nî khai-sí sóa kàu Kó͘-san-khu Liông-bí hāu-khu, tī 2012 nî sóa-soah, jî-chhiáⁿ kā goân-hāu-chí hùi-chí.
Hāu-khu
siu-káiLiông-bí hāu-khu
siu-káiTī Bí-su̍t-koán tē-khu Lāi-ûi Bûn-hòa Hn̂g-khu ê tùi-bīn, sī chi̍t ê hō͘ 4 tiâu lō͘ — Bí-su̍t Tang-saⁿ-lō͘ , Bí-su̍t Tang-gō͘-lō͘ , Bí-su̍t Tang-jī-lō͘ , Bí-su̍t Tang-sì-lō͘ — pau--khí-lâi ê chi̍t tè khu-tè. Ha̍k-hāu chiàm-tē 2.7 kah. Lâm-pêng ū Kó͘-san kok-hāu-á chham Tiong-hôa Gē-su̍t Ha̍k-hāu.
Kū hāu-khu
siu-kái2019 nî Hái-iûⁿ Kho-ha̍k Gián-kiù choan-khu kè-ōe piàn-keng, tī Chhit-hiân kok-tiong kū hāu-chí ê "Hái-iûⁿ Kho-ha̍k Kàu-io̍k kì Tián-sī Tōa-lâu" kap "Hái-iûⁿ Kho-ki Sán-gia̍p Chhòng-sin Io̍k-sêng Tiong-sim" soah thêng-chí heng-kiàn. Hái-iûⁿ Kho-ha̍k Gián-kiù choan-khu ê thó͘-tē khǹg--teh bô--teh ēng, 2022 nî Hái-iûⁿ Tiong-sim chóng-pō͘ tōa-lâu 4--goe̍h poaⁿ-khí pa̍t-ūi. 2021 nî 10 goe̍h 14 Siâⁿ-tiong-siâⁿ siā-khu chò hóe-chai, chhī-hú koat-tēng beh kā choan-khu ê 1.2 kah ê thó͘-tē chò Siâⁿ-tiong-siâⁿ ê khu-tōaⁿ cheng-siu tú-kè-tē (Hô-lâm Jī-lō͘ 0.6 kah), koh khí 600 hō͘ ê siā-hōe chhù-the̍h (Hiân-tiong-ke 0.64 kah). Tē-chèng-kio̍k ùi 2022 nî 3 goe̍h 17 khai-sí kā kū hāu-sià thiah-tû[1][2]. Siā-hōe chhù-the̍h í-keng tī 2022 nî 12 goe̍h 30 tāng-thó͘[3].
Hāu-tūi
siu-kái- Iá-kiû-tūi
- Nâ-kiû-tūi
Tsù-kái
siu-kái- ↑ Piàn-keng Ko-hiông-chhī To͘-chhī Kè-ōe (Chiân-kim, Sin-heng, Lêng-ngá tê-khu) sán-gia̍p choan-iōng-khu sè-pō͘ kè-ōe-su (PDF). Ko-hiông-chhī chèng-hú. 2021-11. 2023-12-28 khòaⁿ--ê.
- ↑ Chan Í-lêng (曾以寧) (2022-3-17). "Chhit-hiân Kok-tiong Kū Hāu-sià Thiah-tû Kang-têng Khé-tōng, Chiong Kái-kiàn 600 hō͘ Siā-hōe Chhù-the̍h". Tiong-iong Thong-sìn-siā. 2023-12-28 khòaⁿ--ê.
- ↑ Ông Chiau-goa̍t (王昭月) (2022-12-30). "Chhit-hiân．An-ki Siā-hōe Chhù-the̍h Tāng-thó͘, Tit-beh 2-chheng Pêⁿ Kong-ek Khong-kan Choân-kok Siōng-chē". Liân-ha̍p Sin-bûn-bāng. Liân-ha̍p Pò-hē. 2023-12-28 khòaⁿ--ê.
Gōa-pō͘ liân-kiat
siu-kái- 高雄市立七賢國民中學 （页面存档备份，存于） （繁體中文）
- Ko-hiông Chhī-li̍p Chhit-hiân Kok-bîn Tiong-ha̍k ê Facebook choan-ia̍h
- 七賢國中籃球隊 ê Facebook choan-ia̍h
- 七賢國中棒球隊 ê Facebook choan-ia̍h