Lī-keng-ke̍k
Lī-keng-ke̍k (Hoat-gí: le théâtre de l'absurde) chit ê sû biô-siá 1940 chì 1960 nî-tāi ê chi̍t-koá Au-chiu hì-ke̍k-ka kap in hit chióng khoán-sek ê bú-tâi-ke̍k. Phêng-lūn-ka Martin Esslin tī 1962 nî ê tù-chok khai-sí iōng chit sû. Lī-keng-ke̍k tī chiàn-āu sî-kiâⁿ--khí-lâi.
Kin-kù Esslin ê kóng-hoat, lī-keng-ke̍k ê tāi-su ū 4 ê: Eugene Ionesco, Samuel Beckett, Jean Genet, kap Arthur Adamov. Kè-sêng ūn-tōng ê chok-ka pau-koah Fernando Arrabal, Harold Pinter, Edward Albee téng-jîn. Lī-keng-ke̍k ê chiân-pòe pau-koah Alfred Jarry, Georg Büchner, Stanislaw Witkiewicz.