Landdag (Tâi-oân)

Landdag (ì-sù: "tē-hng ji̍t" ia̍h "tē-hng hōe") mā thang hō rijksdag, sī Hô-lân ê chi̍t khoán chèng-tī chi̍p-hōe, tī Formosa thóng-tī ê sî, in keng-kòe chit hāng chi̍p-hōe kap chāi-tē ê goân-chū-bîn se-le̍k kau-thong pēng-chhiá kiàn-li̍p tùi kok-tē ê thóng-tī.

Thâu chi̍t kài ê Landdag tī 1641 nî 4 goe̍h kí-hêng, hit chūn ê Formosa tiúⁿ-koaⁿ sī Paulus Traudenius, chham-ka ê siā óa pak ū Sinkan, Tavakan, Soulang, Tevorang, Mattau, Bakloan; óa lâm ū Tap'ouliang, Pandandange, Verovorong, Pangsosia, Takrian, Katia, Sorrian kap Netne.