Loān-sò͘ sán-seng

Verde

Tiān-náu hong-hoat

Tùi tiān-náu lâi kóng kha ki-pún ê chi̍t khoán hong-hoat sī sòaⁿ-hêng ha̍p-tông sán-seng-khì (linear congruential generator), i-ê chài-hiān-sek (recurrence) koan-hē sī:

$X_{n+1}=\left(aX_{n}+c\right)~~{\bmod {~}}~m$

Lāi-bīn $X$ sī chi̍t hē-lia̍t ê ké-loān-sò͘; $mod$ sī modulo ūn-sǹg (chhōe î-sò͘ ê tû-hoat); $m,\,0<m$; $a,\,0<a<m$; $c,\,0\leq c<m$; $X_{0},\,0\leq X_{0}<m$, che $X_{0}$ tio̍h sī só͘ kóng ê loān-sò͘ chéng-chí (seed).

Tû liáu chi̍t khoán ki-pún hong-sek í-gōa, ū chin chē sán-seng chū-tōng loān-sò͘ ê ián-sǹg-hoat kap kái-chìn hông hoat-bêng. Phì-jū ē-tàng hō͘ thêng-sek khì tha̍k tiān-náu ê sî-kan, ēng sî-kan ê sò͘-bo̍k lâi sán-seng chéng-chí; ia̍h ū lâng kā tiān-náu sú-iōng-chiá phah-jī ê sî-kan chha theh lâi lī-ēng.

Chham-khó

• Henderson, Harry (2009). "random number generation". Encyclopedia of Computer Science and Technology (Revised Edition). Facts On File. ISBN 978-0-8160-6382-6. 
• "random numbers". A Dictionary of Computer Science (tē-7 pán.). Oxford University Press. 2016. ISBN 978-0-19-100288-5. 

Liân-kiat

• RANDOM.ORG