Ngó͘-lûn

Ngó͘-lûn (五倫) sī Tiong-kok thoân-thóng Jû-ka ê lí-lūn goân-chek chi-it. Lûn (倫) sī lâng hām lâng chi-kan ê koan-hē; lí (理) sī eng-kai ài chun-siú ê goân-chek. Só͘-ūi ngó͘-lûn chiū sī hū-chú iú chhin (父子有親), hu-hū iú pia̍t (夫婦有別), kun-sîn iú gī (君臣有義), tióng-iù iú sū (長幼有序) kap pêng-iú iú sìn (朋友有信). Chit gō͘ ê jîn-chè koan-hē ê tiōng-iàu thêng-tō͘ ta̍uh-ta̍uh tē-kiám. tī bô-kāng ê chheh lāi-bīn, só͘ kì-chài ê sūn-sī iā bô-kāng khoán.

Ngó͘-lûn koh hām ngó͘-siông, iā chiū sī jîn gī lé tì sìn (仁義禮智信), hō͘-siong ho͘-èng.