Pîn-tong Tāi-ha̍k
Pîn-tong Tāi-ha̍k, mā hō chòe Kok-li̍p Pîn-tong Tāi-ha̍k, Pîn-tāi, koh mā ū Eng-gí miâ ê kán-chheng hō-chò NPTU. Sī tī Tâi-oân Pîn-tong (Tiong-hôa Bîn-kok Pîn-tong-koān) ê kok-li̍p tāi-ha̍k. Tī 2014 nî 8 goe̍h chhoe 1 iû 2 keng ha̍k-hāu, Pîn-tong Kàu-io̍k Tāi-ha̍k kap Pîn-tong Siong-gia̍p Ki-su̍t Ha̍k-īⁿ phēng chòe 1 keng chiah lâi sêng-li̍p Pîn-tong Tāi-ha̍k. Pîn-tong Tāi-ha̍k lóng-chóng ū 4 ê hāu-khu, kî-tiong ū 3 ê tī Pîn-tong chhī-khu, ū 1 ê tī Chhâ-siâⁿ. Pîn-tong Tāi-ha̍k ē-kha ū siat 1 keng si̍t-giām sió-ha̍k. Pîn-tong Tāi-ha̍k éng-kòe sī 2 keng ha̍k-hāu, pau-koah Ji̍t-pún sî-tāi, tī 1940 nî 4 goe̍h só͘ chhòng-li̍p ê Tâi-oân Chóng-tok-hú Pîn-tong Su-hoān Ha̍k-hāu kap tī 1991 nî só͘ siat ê Kok-li̍p Pîn-tong Siong-gia̍p Choan-kho Ha̍k-hāu. Bo̍k-chêng Pîn-tong Tāi-ha̍k ū 7 ê ha̍k-īⁿ, 32 ê ha̍k-hē, 30 ê se̍k-sū pan, 1 ê phok-sū pan.
Hāu-hn̂g siu-kái
Pîn-tong Tāi-ha̍k ê hāu-hn̂g lóng-chóng pun chò 4 khu, ū 7 ê ha̍k-īⁿ. Kî-tiong, tī Pîn-siong Hāu-khu--ê ū Koán-lí Ha̍k-īⁿ, Chu-sìn Ha̍k-īⁿ, kap Ka-bu-lún-gàn[1] Ha̍k-īⁿ.
Gián-kiú Tiong-sim siu-kái
| Gián-kiú Tiong-sim | Tâi-oân Bí-kok Siong-gia̍p Sū-bū Bûn-hòa Tiong-sim | Éng-sio̍k Kiàn-sêng Khoân-kéng Gián-kiú Tiong-sim |
|---|---|---|
| Goân-chū-bîn-cho̍k Kàu-io̍k Gián-kiú Tiong-sim | Kheh-lâng Cho̍k-kûn Gián-kiú Tiong-sim | |
| Siā-khu Chu-siong Tiong-sim | Ji̍t-pún Bûn-hòa Tiong-sim | |
| Put-tōng-sán Kau-e̍k Bô͘-gí Tiong-sim | Kong-lêng-sèng Châi-liāu Gián-hoat Tiong-sim | |
| Tang-lâm-a Hoat-tián Tiong-sim | Goân-chū-bîn-cho̍k Khò-têng Hoat-tián Hia̍p-chok Tiong-sim | |
| Ū-pī Kun-koaⁿ Hùn-liān-thoân Kàu-io̍k Tiong-sim | Ka-bu-lún-gàn[1] Siā-hōe si̍t-chiān kap Éng-sio̍k hoat-tián Tiong-sim |
Chí-bōe-á Hāu siu-kái
Chit-chūn hām Pîn-tong Tāi-ha̍k chhiam-iok chò chí-bōe-á hāu ê sè-kài tāi-ha̍k ū chhiau-kòe 50 keng.[2]